”სამართლიანობაო როცა გაჰკივიხარ, ჯერ საკუთარი თავიდან უნდა დაიწყო და შვილისხელა ახალგაზრდას ჭორები არ უნდა უგორო. მეცინება ამას რომ განვმარტავ, მაგრამ როგორც ჩანს საჭიროა ამდენი ჩასაფრებულების ხელში”, – ამ კომენტარს ჟურნალისტი მაკა რაზმაძე სოციალური ქსელის გვერდზე აკეთებს, რომელსაც გთავაზობთ:
”რამდენნაირი ადამიანი აღარ არსებობს… აქ ერთი ქალი – ციცო კალაძე დაჟინებით ამტკიცებს და ილანძღება, ჟურნალისტი კი არა გიორგი გასვიანს ”ნაციონალების” აქციაზე სასტვენი ეჭირა და წინ მოუძღოდა კოლონას, როგორც მათი მხარდამჭერიო.
აიყოლია ამ ქალმა სხვებიც და ილანძღებიან ერთ ხმაში. არ მივაქცევდი ყურადღებას ამ ბანძ ცილისწამებს, მაგრამ იმდენ ადგილას დაწერა უკვე და ისე გამწარებით ცდილობს ეს ტყუილი ააგოროს და ყველა დააჯეროს რომ იძულებული ვარ დავწერო.
მე და გიორგი გასვიანი ერთად მივედით აღმაშენებელზე და მადლობა ღმერთს ვინც იქ იყო აქციის მონაწილეებმაც და ჩვენმა კოლეგებმაც ყველამ გვნახა. ვიღებდით ყველაფერს ტელეფონებით და მთელი აქციის განმავლობაში გვქონდა ჩართული ფეისბუქ-ლაივი რომ ყველას პირდაპირ ეთერში ეყურებინა აქციებისთვის. მონაცვლეობით გადავდიოდით ერთი აქციიდან მეორეში და ვიწერდით ინტერვიუებს.
გიორგის ჩემგან განსხვავებით ჰქონდა ტელეფონის მიკროფონი წამოღებული და პარალელურად აკეთებდა ამ მიკროფონით კომენტარებსაც-მიკროფონი და არა სასტვენი.
კადრებში ძალიან კარგად ჩანს ეს და ვინც იქ იყო ჩვენთან ერთად იმათაც კარგად დაინახეს.
სამარცხვინოა, როცა ადამიანის ტალახის შესხმით და ტყუილებით ცდილობს ვინმე ცხოვრებას. სამართლიანობაო როცა გაჰკივიხარ, ჯერ საკუთარი თავიდან უნდა დაიწყო და შვილისხელა ახალგაზრდას ჭორები არ უნდა უგორო. თან მეცინება ამას რომ განვმარტავ, მაგრამ როგორც ჩანს საჭიროა ამდენი ჩასაფრებულების ხელში”, – წერს მაკა რაზმაძე.