კახეთში ყვარლის რაიონის სოფელ გავაზთან ავტოავარიას სამი ახალგაზრდა ემსხვერპლა, ხოლო 2 მძიმედ დაშავდა. გზის ცენტრალურ მონაკვეთზე მსუბუქი ავტომობილი, რომლითაც ხუთი ახალგაზრდა მიემგზავრებოდა, ხეს შეეჯახა და რამდენჯერმე ამობრუნდა.
გარდაცვლილები ადგილობრივები, გავაზელები – ბექა რაჯებაშვილი, რამაზი მინდორაშვილი და გოგი ბულბულაშვილი იყვნენ. მათ შორის ერთ-ერთი წარმატებული სპორტსმენი იყო.
შსს-ს ინფორმაციით, გამოძიება სისხლის სამართლის კოდექსის 276 მუხლის მე-7 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ოფიციალური მონაცემებით, 2016 წელს, რეგისტრირებული საგზაო შემთხვევების შედეგად დაიღუპა 581 და დაშავდა 9 951 ადამიანი.
კომენტარები