ისლანდიაში გაუჩინარებული 22 წლის ნიკა ბეგაძის სამძებრო ღონისძიებები, სავარაუდოდ, დღეს განახლდება.
ამის შესახებ ინფორმაციას სააგენტო “imedinews”-ი ავრცელებს.
მათივე ცნობით, ისლანდიის პოლიცია, მაშველები და იქ მცხოვრები ნიკა ბეგაძის მეგობრები და ადგილობრივი ქართველები, უკვე 10 დღეა დაკარგულ ახალგაზრდას ეძებენ. სამძებრო სამუშაოები როგორც ვერტმფრენით, ისე ძაღლების დახმარებით ჩანჩქერისა და მდინარის ნაპირზე, ასევე, მიმდებარე ტერიტორიაზე, ტყეში მიმდინარეობს.
ისლანდიური მედიასაშუალება Rav-ის ინფორმაციით, ნიკა ბეგაძე ქალაქ რეიკიანესბერში ცხოვრობდა. მისი მანქანა ჩანჩქერთან მდებარე პარკში იპოვეს. პოლიციამ აღნიშნულ საქმეს უბედური შემთხვევის კვალიფიკაცია მისცა.
კომენტარები