კახეთში, სოკოთი ინტოქსიკაციის შედეგად, 70 წლის გელა ხატიაშვილი გარდაიცვალა, მისი ოჯახის ორი წევრი კი უმძიმეს მდგომარეობაშია.
შემთხვევა თელავის მუნიციპალიტეტის სოფელ აკურაში მოხდა.
ადგილობრივების ინფორმაციით, სამმა მამაკაცმა ტყეში მოკრეფილი სოკო მიირთვა.
მათ შორის იყო გელა ხატიაშვილი, რომელიც, გავრცელებული ინფორმაციით, მოწამვლის შედეგად გარდაცვლილი საკუთარ ავტომობილში ნახეს.
ხატიაშვილის სიმამრი და ცოლისძმა კი ჯანმრთელობის მძიმე მდგომარეობით საავადმყოფოში იმყოფებიან.
მომხდარზე გამოძიება სისხლის სამართლის კოდექსის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს.
კომენტარები