ავღანეთში თავდასხმის შედეგად დაღუპული ქართველი სამხედროს, უმცროსი სერჟანტის მდინარი ბებიაშვილის ცხედარს აშშ-ის საჰაერო ძალების სამხედრო თვითმფრინავით, სპეციალური რეისით ბაგრამის საავიაციო ბაზიდან საქართველოში ჩამოასვენებენ.
“აეროპორტში მოსულები იმყოფებიან თავდაცვის სამინისტროს და შეიარაღებული ძალების წარმომადგენლები, ვემზადებით დასახვედრად. ცერემონიას დაესწრებიან მთავრობის წევრები, სხვა თანამდებობის პირები.ცერემონიის შემდეგ დაღუპულს გადაასვენებენ ექსპერტიზაზე, შემდეგ კი მშობლიურ სოფელში მარტოთუბანში”, განუცხადა ჟურნალისტებს პოლკოვნიკმა ემზარ სვანიძემ.
ცერემონიას ასევე, საქართველოს თავდაცვის მინისტრი ლევან იზორია, პრეზიდენტი გიორგი მარგველაშვილი და პრემიერ-მინისტრი გიორგი კვირიკაშვილი დაესწრება.
გარდაცვლილ სამხედროს ხუთშაბათს, 10 აგვისტოს დაკრძალავენ.