გორის შესასვლელთან ავტომაგისტრალზე ხუთი ავტომობილი ერთმანეთს შეეჯახა. შემთხვევის შედეგად ოთხი ადამიანი დაშავდა. ამის შესახებ ინფორმაციას “პირველი” ავრცელებს.
მომხდართან დაკავშირებით საქმე სისხლის სამართლის კოდექსის 276-ე მუხლის პირველი ნაწილით აღიძრა, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ქმედება ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.
კომენტარები