საბაჟო გამშვებ პუნქტებში „სადახლო-საავტომობილო“ და „ქუთაისის აეროპორტი“, ქვეყანაში ოქროს ნაკეთობების კანონდარღვევით შემოტანის რამდენიმე ფაქტი გამოვლინდა.
„22 აგვისტოს, ფინანსთა სამინისტროს შემოსავლების სამსახურის მებაჟე ოფიცრებმა, არადეკლარირებული ოქროს ნაკეთობები – საერთო წონა 121.78 გრამი, საბაჟო გამშვებ პუნქტში „სადახლო-საავტომობილო“ აღმოაჩინეს. საქონლის საერთო საბაჟო ღირებულებამ 7,217.64 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის შესაბამისად, მოქალაქეებს სანქციის სახით ფულადი ჯარიმა, საერთო ჯამში 7,217.64 ლარის ოდენობით შეეფარდათ.
არადეკლარირებული ოქროს ნაკეთობები – საერთო წონა 79.7 გრამი გამოვლინდა 24 აგვისტოს, საბაჟო გამშვებ პუნქტში „ქუთაისის აეროპორტი“. საქონლის საბაჟო ღირებულებამ 11,205 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის შესაბამისად მოქალაქეს სანქციის სახით ფულადი ჯარიმა 11,205 ლარის ოდენობით შეეფარდა“, – აღნიშნულია ფინანსთა სამინისტროს შემოსავლების სამსახურის ინფორმაციაში.