სუსი ნიკა გვარამიას და გიგა ბოკერიას დაკიიხვაზე არ იბარებს.
როგორც უწყებიდან “პრაიმტაიმს” აცნობეს, ისინი კონტრდაზვერვის დეპარტამენტში არსებულ სისხლის სამართლის საქმეში ჩატარებული ფარული საგამოძიებო მოქმედებების ამსახველი მასალების გასაცნობად არიან დაბარებულები.
“საქმე საიდუმლოა და დეტალებს ადგილზე გავაცნობთ პროცედურის მიხედვით. საქმეს გაეცნობა კონტრდაზვერვის საგამოძიებო მთავარ სამმართველოში” ,- აცხადებენ უწყებაში.
რუსთავი 2-ის გენერალურმა დირექტორმა ნიკა გვარამიამ სოციალულ ქსელში გაავრცელა ინფორმაცია, რომ მოდულის შენობაში დაკითხვაზეა დაბარებული. მისი ინფორმაციით, ის მოდულის შენობაში 2015 წლის სახელმწიფო გადატრიალების საქმეზე დაიბარეს.
,,ოჯახთან ერთად რაჭიდან ბათუმის გზას ის ის იყო უნდა დავდგომოდი, მოდულში დამიბარეს 2015 წლის სახელმწიფო გადატრიალების საქმეზე დასაკითხად (ჩემი და სააკაშვილის ფარული ჩანაწერი).
ხვალ, სამზე, მოდულში”, – წევრს ნიკა გვარამია სოციალურ ქსელში.
მოდულის შენობაში გიგა ბოკერიას დაბარების შესახებ ინფორმაცია მისმა მეუღლემ თამარ ჩერგოლეიშვილმაც გაავრცელა.
“სუსის გამომძიებელმა გამაღვიძა – გიგა მოგვენატრაო. სახელმწიფო გადატრიალების ძველ საქმეზე იბარებენ ისევ – ეტყობა არ იციან გაზპრომს და ბიძინას რომ მიეყიდა”, – წერს ჩერგოლეიშვილი.