კახი კალაძის განცხადებით, ზოგიერთი პოლიტიკოსის განცხადებები, რომ „რუსთავი 2“ -ის საქმეზე სასამართლოზე პოლიტიკური ზეწოლა ხორციელდებოდა, არის პოლიტიკურად გაკოტრებული პარტიის მცდელობა არჩევნების წინ ხალხს თავი შეახსენოს.
მისივე თქმით, „რუსთავი 2“-ის საქმე არის ქიბარ ხალვაშსა და ძმებ ყარამანაშვილებს შორის დავა.
“სასამართლო რა გადაწყვეტილებას მიიღებს, მინისტრის, ვიცე-პრემიერის, პრემიერის გადასაწყვეტი არ არის. სასამართლო არის აბსოლუტურად დამოუკიდებელი. ჩვენ გამოვედით იმ წლებიდან, როდესაც ერთ დღეს ხდებოდა დაკავება, ბრალის წაყენება, გასამართლება და გირაოთი გამოშვება ან ციხეში გაშვება. ეს დრო დასრულდა საქართველოში. უნდა შევეგუოთ იმას, რომ ეს ინსტიტუტები უნდა იყოს დამოუკიდებელი”, – განაცხადა ვიცე-პრემიერმა.
როგორც კახი კალაძემ აღნიშნა, არჩევნების წინ მიღებული ასეთი გადაწყვეტილება ხელისუფლებას აზიანებს, მაგრამ მთავრობას არანაირი ბერკეტი არ გააჩნია სასამართლოს წინაშე.