საქართველოს ყოფილი პრეზიდენტის, ოდესის ყოფილი გუბერნატორის მიხეილ სააკაშვილის განცხადებით, მისთვის მოპარული პასპორტი უკრაინის პრეზიდენტის, პეტრო პოროშენკოს კაბინეტშია.
„სანდო წყაროებიდან მაქვს ინფორმაცია, რომ პასპორტი, რომელიც მომპარეს, უკრაინის პრეზიდენტის პეტრო პოროშენკოს კაბინეტშია“, – განაცხადა მიხეილ სააკაშვილმა ლვოვში, ჟურნალისტებთან საუბრისას.
მისივე თქმით, პოროშენკოს მისი პასპორტი უკრაინაში მისი დაბრუნების მეორე დღეს მიუტანეს კაბინეტში. სააკაშვილი იქვე დასძენს, რომ ახლა მას სხვა საბუთები არ აქვს.
„მე ახლა სხვა საბუთები არ მაქვს“, – ამბობს სააკაშვილი.
კომენტარები