თბილისის მერობის „ქართული ოცნების“ კანდიდატი კახა კალაძე საცობების განტვირთვის მიზნით ე.წ. შავი წერტილების გამოსავლენი სპეციალური პროგრამის დანერგვას გეგმავს.
ამის შესახებ კალაძემ საზოგადოებრივი მაუწყებლის ეთერში, „თვითმმართველობა 2017“-ის ფარგლებში გამართული დებატებისას განაცხადა.
„პრობლემა მართლაც სერიოზულია, თუმცა მარტო ნაგვის და სადისტრიბუციო მანქანებს ნამდვილად ვერ დავაბრალებთ იმ მდგომარეობას, რომელიც შექმნილია ქალაქში საცობების თვალსაზრისით. პირველი, რაც აუცილებლად გასაკეთებელია, ეს არის სპეციალური პროგრამის დანერგვა, რომელიც 24-საათიან რეჟიმში დააკვირდება ავტომობილების ნაკადების მოძრაობას, შესაბამისად, გამოიკვეთება კონკრეტული პრობლემური ადგილები, ე.წ. შავი წერტილები, სადაც იჭედება ავტომობილები და დაიგეგმება კონკრეტული პროექტების განზორციელების გზები, ეს შეიძლება იყოს ხიდები, ესტაკადები, გზების გაფართოება. ამავდროულად ძალიან მნიშვნელოვანია საზოგადოებრივი ტრანსპორტის მოწესრიგება. ეკოლოგიურად სუფთა ავტობუსების ჩამოყვანა არის ძალიან მნიშვნელოვანი“, – განაცხადა კახა კალაძემ.
კახა კალაძე – ძალიან მნიშვნელოვანია საზოგადოებრივი ტრანსპორტის მოწესრიგება
2017/10/19 23:55:33
ნანახია: 989 ჯერ