“მინდა გითხრათ, რომ ამ ბრძოლაში თქვენ არ იქნებით მარტო, გქონდეთ ჩემი იმედი”

ამ ბრძოლაში თქვენ არ იქნებით მარტო, გქონდეთ ჩემი იმედი, – ასე მიმართა „ქართული ოცნების“ ოფისის წინ შეკრებილ საზოგადოებას თბილისის მერობის კანდიდატმა კახი კალაძემ.
„პირველ რიგში მინდა ძალიან დიდი მადლობა ვუთხრა თითოეულ თბილისელს, ძალიან დიდი მადლობა მინდა ვუთხრა, ჩვენს მხარდამჭერებს, ჩვენს თანამებრძოლებს. ჩვენ მართლაც მნიშვნელოვანი გზა გამოვიარეთ, ბევრი შეხვედრა გვქონდა ამ საარჩევნო კამპანიის განმავლობაში და რაც ყველაზე მთავარი და მნიშვნელოვანია, დედაქალაქის მოსახლეობას აქვს ჩვენი იმედი. 
ჩვენ ყველა ვხედავთ იმ პრობლემებს, რომელიც აქტუალურია დედაქალაქისთვის და ასევე კარგად გვაქვს გააზრებული თუ რა უნდა გავაკეთოთ ხვალ, ზეგ, რომ ეს პრობლემები მოგვარდეს. მინდა გითხრათ, რომ ამ ბრძოლაში თქვენ არ იქნებით მარტო, გქონდეთ ჩემი იმედი. „ძალა ერთობაშია“, ჩვენ ერთად შევძლებთ ამ პრობლემების მოგვარებას“, – განაცხადა კალაძემ.