“გამარჯვებას ვულოცავ კახი კალაძეს და ვუსურვებ, იყოს წარმატებული მერი”, – ამის შესახებ მერობის დამოუკიდებელმა კანდიდატმა, ალეკო ელისაშვილმა განაცხადა, მან კახა კალაძეს გამარჯვება მიულოცა და წარმატება უსურვა. ამასთან, ელისაშვილი აცხადებს, რომ ის გააგრძელებს ქალაქის განვითარებისთვის ბრძოლას.
„ახალი პოლიტიკური კულტურის დანერგვა მინდოდა და მინდა კიდეც, ამიტომ ვაღიარებ კალაძის გამარჯვებას და მას წარმატებას ვუსურვებ. ათი ათასობით მოქალაქის მხარდაჭერა მივიღე, რისთვისაც მადლობა მათ, მიუხედავად იმისა, რომ სოციალურ ქსელში ჩემ მიმართ საშინელი ანტიპიარი მიმდინარეობდა. მაქვს პროგრამები, რომელსაც, სურვილის შემთხვევაში, მხოლოდ მოხალისეებს გადავცემ“, – განაცხადა ალეკო ელისაშვილმა.
კომენტარები