ყველას ვურჩევ, თუ არსებობს გარკვეული ეჭვი ხარვეზებთან დაკავშირებით, მიმართონ საარჩევნო ადმინისტრაციას ან სასამართლოს, – ამის შესახებ საქართველოს პარლამენტის თავმჯდომარე ირაკლი კობახიძემ თიანეთის მერის არჩევნების საკითხზე კომენტირებისას განაცხადა.
“თუ არსებობს ხარვეზები, ამისათვის არსებობს სამართლებრივი გზა. ნებისმიერ კანდიდატს შეუძლია მიმართოს როგორც საოლქო საარჩევნო კომისიას, ზოგადად საარჩევნო ადმინისტრაციას და სასამართლოს. მე ყველას ვურჩევ, თუ არსებობს გარკვეული ეჭვი ხარვეზებთან დაკავშირებით, მიმართოს შესაბამისად საარჩევნო ადმინისტრაციას ან სასამართლოს”,- განაცხადა კობახიძემ.
კომენტარები