გარდაცვლილი ბიზნესმენის ძმა აცხადებს, რომ ალიკა დავითაძეს ტყვია ყურში აქვს მოხვედრილი

გარდაცვლილი ბიზნესმენის, ალიკა დავითაძის ძმა აცხადებს, რომ მის ძმას ტყვია ყურში აქვს მოხვედრილი. როგორც მურად დავითაძემ ჟურნალისტებს განუცხადა, ალიკა დავითაძეს ტყვია ყურში აქვს მოხვედრილი. ”გარეთ იჯდა მაღაზიასთან. მარჯვენა თვალით ვერ ხედავდა. ტყვია ყურში აქვს ნასროლი. სროლის შემდეგ გადაყირავდა სკამიდან. როცა დაინახა შვილიშვილმა, რომ წაქცეული იყო, დაგვიძახა ჩვენ”, – აღნიშნა მურად დავითაძემ.
მისი ინფორმაციით, ალიკა დავითაძეს არ ჰქონდა მსხვილი ბიზნესი და მხოლოდ რამდენიმე მცირე ზომის მაღაზიას ფლობდა. ”მტერი შეიძლება მეც მყავდეს და თქვენც. მისი მოკვლა რომ სდომოდათ, 4 წელი და 3 თვე ციხეში იჯდა და იქ მოკლავდნენ. მთავრობას თუ უნდოდა გასაღება, გაასაღებდნენ. არ გვაქვს ეჭვი არც მთავრობაზე, არც არავიზე და არაფერზე”, – განაცხადა გარდაცვლილის ძმამ.
რაც შეეხება ვერსიებს, მურად დავითაძეს რაიმე სახის ვერსიებზე საუბარი უჭირს. ”ვერსიები აქვს პოლიციას და მიაკითხეთ მას. მათ იციან ყველაფერი”, – აღნიშნა დავითაძემ.