„ნაციონალური მოძრაობის“ გადაწყვეტილება მეორე ტურთან დაკავშირებით, არასერიოზული და პოპულისტურია” – ასე ეხმაურება მმართველი გუნდის წევრი ლევან გოგიჩაიშვილი ენმ-ს პოლიტიკური საბჭოს მიერ მიღებულ გადაწყვეტილებას, რომლის თანახმად, პარტია თვითმმართველობის არჩევნების მეორე ტურში მონაწილეობას არ მიიღებს.
„ვერ ვხვდები ამ გადაწყვეტილების აზრს, თუ აპირებ შესვლას საკრებულოში, მაშინ რატომ არ იღებ მეორე ტურში მონაწილეობას. მაშინ საერთოდ ნუ შევლენ საკრებულოში, ანუ ლოგიკა არ არის. ეს მათი გადაწყვეტილებაა მიიღებენ თუ არა მეორე ტურში მონაწილეობას. თუ არ მიიღებენ, ნაკლები რესურსი დაიხარჯება სახელმწიფოს მხრიდან, თანხები დაიზოგება.
მეორე ტურში მარტო „ნაციონალური მოძრაობა“ არ გასულა. ბორჯომში მაგალითად „პატრიოტთა ალიანსი“ არის გასული, ოზურგეთში დამოუკიდებელი კანდიდატი. ბევრგან არ არის „ნაციონალური მოძრაობა“, შესაბამისად, ამაში დიდ პრობლემას ვერ ვხედავ,”– განაცხადა ლევან გოგიჩაიშვილმა.