პარტია „ქართული ოცნების” თიანეთის მერობის კანდიდატი ლელა ქიტესაშვილი, დარწმუნებულია, რომ თუ მოსამართლემ დღეს ჩანიშნულ სასამართლო განიხლვაზე თიანეთში მეორე ტური დანიშნა, აუცილებლად გაიმარჯვებს.
„თუ დაინიშნება ხელახალი არჩევნები მე კვლავ ველოდები წარმატებას. დარწმუნებული ვარ, რომ განმეორებითი არჩევნების შემთხვევაში, კვლავ მოვიპოვებ გამარჯვებას“, – ამის შესახებ ლელა ქიტესაშვილმა პორტალ „კვირას“ პრესკლუბში გამართულ პრესკონფერენციაზე განაცხადა.
ჟურნალისტის კითხვაზე საარჩევნო პროცესის დროს დაარღვია თუ არა კანონი, ქიტესაშილი პასუხობს, რომ მისი მხრიდან უბანზე შესავლა ოფიციალურად არ დაფიქსირებულა.
„ჩემი შესვლა უბანზე როგორც ასეთი ოფიციალურად არ დაფიქსირებულა, იმიტომ რომ წამით შევიხედე უბანზე და იქ ამომრჩეველი არ ყოფილა, ისეთ პერიოდში მოხდა ეს ქმედება. თუმცა, მაგაზე ჩვეულებრივად დაიწერა გაფრთხილება და ამას არჩევენბზე არანაირი გავლენა არ მოუხდენია“, – აღნიშნა „ქართული ოცნების თიანეთის მერობის კანდიდატმა.
შეგახსენებთ, რომ მცხეთის რაიონული სასამართლო პარტია „ერთიანი საქართველოსთვის“ თიანეთის მერობის კანდიდატის თამაზ მეჭიაურის სარჩელის შესახებ გადაწყვეტილებას დღეს, 13:00 საათზე გამოიტანს. მეჭიაური სარჩელში საოლქო კომისიის გადაწყვეტილების გაუქმებასა და პარტია „ქართული ოცნების“ კანდიდატისთვის მიკუთვნებული 5 ხმის გაბათილებას ითხოვს.