ვისურვებდი, თიანეთის განვითარება გაგრძელდეს და შეძლოს თამაზ მეჭიაური იმაზე კარგი მერი იყოს, ვიდრე მე ვიყავი თიანეთისთვის, – ამის შესახებ თიანეთში “ქართული ოცნების“ მერობის კანდიდატმა ლელა ქიტესაშვილმა განაცხადა.
ქიტესაშვილი აცხადებს, რომ სასამართლოსგან განსხვავებულ გადაწყვეტილებას ელოდა.
”ბუნებრივია, ველოდი განსხვავებულ გადაწყვეტილებას. ღირსეულად მიმაჩნდა განმეორებით ჩატარებულიყო არჩევნები. ერთადერთს ვისურვებდი – თიანეთის განვითარება გაგრძელდეს და შეძლოს თამაზ მეჭიაურმა იმაზე კარგი მერი იყოს, ვიდრე მე ვიყავი თიანეთისთვის. რაც არის – არის. ქვეყნის სამსახურს ვაპირებ, სადაც არ უნდა ვიყო”, – განაცხადა ლელა ქიტესაშვილმა.
ჟურნალისტების კითხვაზე, გააგრძელებს თუ არა ის თანამშრომლობას თიანეთის განვითარებისთვის თამაზ მეჭიაურთან, ქიტესაშვილმა განაცხადა, ”ალბათ არ ვითანამშრომლებ. ვფიქრობ, თანამშრომლობის სურვილი არც მეჭიაურს ექნება”.