“თუ დავხუჭავთ თვალს ნუცუბიძის პლატოზე მომხდარ თემაზე, აუცილებლად მივიღებთ გირგვლიანს, რობაქიძეს, გამცემლიძეს…”

„საქართველოს ახალგაზრდა ეროვნული ალიანსის” თავმჯდომარე გიორგი გაბედავა ნუცუბიძის პლატოზე დაკავების დროს გარდაცვლილი ადამიანის საქმესთან დაკავშირებით განცხადებას ავრცელებს, სადაც ნათქვამია, რომ თუ პატრულის მიერ სამხრე კამერით გადაღებული სრული ვიდეომასალა არ გასაჯაროვდება, 29 ოქტომბერს პროკურატურასთან შეიკრიბებიან, მოთხოვნით – გასაჯაროვდეს სრული ვიდეომასალა!
“საქართველოს ახალგაზრდა ეროვნული ალიანსის განცხადება დაკავების დროს გარდაცვლილი ადამიანის საქმესთან დაკავშირებით: ზეგ, 29 ოქტომბრის დღის 12 საათამდე თუ არ გასაჯაროვდება პატრულის მიერ სამხრე კამერით გადაღებული სრული ვიდეომასალა და არა დამონტაჟებული, 13:00 ზე ვიკრიბებით პროკურატურასთან, მოთხოვნით – გასაჯაროვდეს სრული ვიდეომასალა! ეს იმას არ ნიშნავს, რომ ამ საქმეს ვადარებთ გირგვლიანის, რობაქიძის და სხვა ბიჭების საქმეს, მაგრამ თუ დავხუჭავთ თვალს ამ თემაზე, აუცილებლად მივიღებთ გირგვლიანს, რობაქიძეს, გამცემლიძეს… ყველას მოგიწოდებთ სრული ჩართულობისკენ!!! ყველაში ვგულისხმობ ადამიანებს და არა “ნაცმოძრაობის” დამნაშავე ლიდერებს, რომლებსაც ხელები სისხლში აქვთ!”-ნათქვამია განცხადებაში.