ნამდვილად განსაკუთრებული ყურადღებაა საჭირო, როდესაც საქმე ეხება ადამიანის დაღუპვას ისეთ ვითრებაში, სადაც პოლიციაა ჩართული. ბუნებრივია, ეს საქმე პარლამენტის განსაკუთრებული ყურადღების ქვეშ იქნება, – ამის შესახებ პარლამენტის თავმჯდომარე ირაკლი კობახიძემ „ქრონიკის“ეთერში სტუმრობის დროს განაცხადა.
ჟურნალისტის კითხვაზე, ოპოზიციის მოთხოვნაა, რომ ნუცუბიძის ქუჩაზე მომხდარ შემთხევასთან დაკავშირებით შს მინისტრი პარლამენტში მივიდეს და არსებულ კითხვებს პასუხი გასცეს, ირაკლი კობახიძემ უპასუხა, რომ პარლამენტსა და შინაგან საქმეთა სამინისტროს შორის კომუნიკაცია იქნება იმისთვის, რომ მომხდარზე სიმართლე დროულად გაირკვეს.
პარლამენტის თავმჯდომარემ გარდაცვლილის ოჯახს მიუსამძიმრა.
„რა თქმა უნდა, ყველაფერი გამჭვირვალედ უნდა წარიმართოს. ჩვენ, კომუნიკაცია გვექნება შინაგან საქმეთა სამინისტროსთან და პარლამენტის მხრიდან რა ბერკეტის გამოყენებაც იქნება საჭირო იმისთვის, რომ ყველაფერს რაც შეიძლება მალე მოეფინოს ნათელი, ეს ბერკეტები აუცილებლად იქნება გამოყენებული. ოპოზიცია მოითხოვს ამას თუ უმრავლესობა, მთავარია, რომ პარლამენტმა თავისი ფუნქცია სათანადოდ შეასრულოს. ამის უზრუნველყოფა ჩემი ფუნქციაა და ამაში აქტიურად ვიქნები ჩართული“, – განაცხადა კობახიძემ.