საქართველოს პრეზიდენტი საქართველოს ეროვნული საფეხბურთო ნაკრების ვიცე კაპიტნის გურამ კაშიას წინააღმდეგ აგორებულ კამპანიას ეხმაურება. გიორგი მარგველაშვილს მიაჩნია, რომ ყველა ადამიანს აქვს გამოხატვის თავისუფლება და მიუღებლად მიიჩნევს, გურამ კაშიას წინააღმდეგ აგორებულ კამპანიას.
„მიუღებელია გურამ კაშიას წინააღმდეგ აგორებული კამპანია.
ყველა ადამიანს აქვს გამოხატვის თავისუფლება, ჩვენ პატივი უნდა ვცეთ ადამიანის უფლებებსა და თავისუფლებებს.
ვგმობ ძალადობის გამოვლინებას ნებისმიერი ფორმით.
მივესალმები სპორტული საზოგადოების ერთსულოვან მხარდაჭერას გურამ კაშიას მიმართ, ზიზღი და ძალადობა ჩვენი საზოგადოებისთვის უცხოა.
ჩემი მხარდაჭერა საქართველოს ეროვნული საფეხბურთო ნაკრების ვიცეკაპიტანს და არნემის „ვიტესის“ კაპიტნს გურამ კაშიას“ – ნათქვამია პრეზიდენტის ადმინისტრაციის მიერ გავრცელებულ განცხადებაში.
შეგახსენებთ, რომ საქართველოს ნაკრების მცველი გურამ კაშია სოციალურ ქსელებში კრიტიკის ობიექტი მას შემდეგ გახდა, რაც ჰოლანდიის ჩემპიონატის ერთ-ერთ შეხვედრაში მოედანზე LGBT-ფერებიანი კაპიტნის სამკლაურით გავიდა.
აღსანიშნავია, რომ 15 ოქტომბერს ჰოლანდიის ჩემპიონატის მე-8 ტურში ყველა გუნდის კაპიტანი აღნიშნული სამკლაურით გამოვიდა.
გიორგი მარგველაშვილი: მიუღებელია გურამ კაშიას წინააღმდეგ აგორებული კამპანია
2017/10/30 18:54:58
კომენტარები
ნანახია: 1012 ჯერ