“ჩვენამდე მოვიდა ინფორმაცია, რომ „ნაციონალური მოძრაობა“ „კარუსელის“ დატრიალებას აპირებდა”

„მემარცხენე ალიანსის“ თავმჯდომარე სოსო შატბერაშვილი საარჩევნოდ „მემარცხენე ალიანსისა“ და მმართველი გუნდის გარიგების შესახებ გავრცელებულ ინფორმაციას ეხმაურება, რომლის მიხედვითაც ალიანსის დამკვირვებელი მმართველი გუნდის სასარგებლოდ მუშაობდნენ.
„ეს ინფორმაცია გაავრცელა „რუსთავი 2-მა“, რომელიც ჭორებზე დაყრდნობით ავრცელებს ამ განცხადებას და აცხადებს, რომ თურმე ჩვენი წარმომადგენლები მუშაობდნენ იმისათვის რომ „ქართული ოცნება“ უმრავლესობით მოსულიყო ადგილობრივ საბჭოებში, პირადპირ გაოცებას იწვევს საქმისადმი ასეთი მიდგომა. ჩვენ 1400-მდე დამკვირვებელი დავნიშნეთ მთელ საქართველოში და არჩევნების წინ ჩვენ მათ მივეცით მკაცრი მითითება, აღერიცხათ არჩევნებზე მომსვლელ-წამსვლელი, რადგან ჩვენამდე მოვიდა ინფორმაცია, რომ „ნაციონალური მოძრაობა“ „კარუსელის“ დატრიალებას აპირებდა. სადაც ჩვენი დამკვირვებლები იყვნენ იქ „კარუსელი“ არ დატრიალებულა, ჩვენმა დამკვირვებლებმა კატეგორიულად აღკვეთეს „კარუსელი“ იმ ადგილებში სადაც ისინი იყვნენ“,- განაცხადა პორტალ „კვირას“ პრესკლუბში გამართულ პრესკონფერენციაზე სოსო შატბერაშვილმა.