“როგორც მისმა მეგობრებმა მითხრეს, გიორგიმ 5 ადამიანი გადაარჩინა თვითონ კი ვეღარ შეძლო გამოსვლა”, – ამბობს გიორი მორთულაძის მამა.
გიორგი „ლეოგრანდში“ სავარჯიშოდ იყო მისული. 21 წლის სტიქაროსანს და ხატმწერს დედა ბოლოს 24 ნოემბერს ესაუბრა.
იმ საღამოს ვერ დავუკავშირდი. ტელეფონზე არ მპასუხობდა. ტელევიზორი არ ჩამირთავს და ინფორმაციას არ ვფლობდი ხანძრის შესახებ. ჩემი მეუღლე მოვიდა სახლში და მოგვიყვა რა ტრაგედიაც დატრიალდა. არ დამიშვია, რომ იქ ჩემი შვილიც იყო, – ამბობს გიორგის დედა ირმა მორთულაძე.
დაღუპული ახალგაზრდის ოჯახის წევრები და ახლობლები ამბობენ, რომ სამართლიანობის აღსრულებისთვის იბრძოლებენ.
“ვინმეს დასჯა გიორგის ვერ გაგვიცოცხლებს, მაგრამ იმისთვის, რომ სხვების შვილებსაც ასე არ დაემართოთ ვიბრძოლებთ, რომ დამნაშავეები დაისაჯონ”,– ამბობენ გიორგის ახლობლები.