განხილული იქნება ყველა ის შესაძლო სცენარი, რომელიც ადეკვატურ პასუხს მოითხოვს უშუალოდ “ნაციონალური მოძრაობის” მხრიდან, – ამის შესახებ ჟურნალისტებს “ნაციონალური მოძრაობის” ერთ-ერთმა ლიდერმა ზურაბ მელიქიშვილმა, პარტიის პოლიტსაბჭოს სხდომის დაწყებამდე განუცხადა.
როგორც მელიქიშვილმა აღნიშნა, პარტიის სამოქმედო გეგმა მხოლოდ სხდომის დასრულების შემდეგ გაჟღერდება.
“ნაციონალური მოძრაობა” ბოლო დღეების განმავლობაში არსებული გამოწვევებიდან გამომდინარე, გადასულია მუშაობის საგანგებო რეჟიმზე. საგანგებოდ მოვიწვიეთ მმართველი პოლიტიკური საბჭო, რათა საბოლოოდ შევჯერდეთ ყველა იმ ნაბიჯზე, რომელიც შესაძლებელი იქნება, რომ გადაიდგას ჩვენი მხრიდან იმ გამოწვევების საპასუხოდ, რომელიც გაჩნდა, განსაკუთრებით მას შემდეგ, რაც “ნაციონალური მოძრაობის” ლიდერი მიხეილ სააკაშვილი უკრაინაში ოლიგარქმა დააკავა. განხილული იქნება ყველა ის შესაძლო სცენარი, რომელიც ადეკვატურ პასუხს მოითხოვს უშუალოდ “ნაციონალური მოძრაობის” მხრიდან”, – განაცხადა მელიქიშვილმა.