ეს არის უკრაინის შიდაპოლიტიკური საკითხი და შეფასებებიც უკრაინელმა პოლიტიკოსებმა უნდა გააკეთონ, – ამის შესახებ საპარლამენტო უმრავლესობის ლიდერმა არჩილ თალაკვაძემ საქართველოს ყოფილი პრეზიდენტის მიხეილ სააკაშვილის სასამართლოდან გათავისუფლების საკითხის შეფასებისას განაცხადა.
რაც შეეხება მიხეილ სააკაშვილის საქართველოში ექსტრადირების საკითხს, არჩილ თალაკვაძის განცხადებით, საქართველოს შესაბამისი მოთხოვნა უკრაინისთვის გაგზავნილი აქვს.
“სამართლებრივი საკითხები, რომელიც ამ საქმესთან დაკავშირებით არსებობს, არის უკრაინისა და საქართველოს პროკურატურებს შორის თანამშრომლობის თემა. ამაზე ოფიციალური კომუნიკაცია არსებობდა. სისხლის სამართლებრივი საქმეები არსებობს და შესაბამისი მოთხოვნა საქართველოს პროკურატურას აქვს გადაგზავნილი უკრაინის შესაბამის უწყებებთან”, – განაცხადა არჩილ თალაკვაძემ.