ექს-პრეზიდენტი მიხეილ სააკაშვილი აცხადებს, რომ არასდროს შეშინებია, მითუმეტეს, როდესაც აკავებდნენ.
ამის შესახებ სააკაშვილმა “კურიერთან” ინტერვიუში განაცხადა.
“2008 წელს გავუძელით… როდესაც ვიჯექით კაბინეტში და ყველა გვირეკავდა, ამერიკელები, ფრანგები, მოდიან პირდაპირ მოსაკლავად, 2 საათში მანდ იქნებიან. ვინმემ შეატყო, რომ ერთი ნერვი ამიტოკდა?! რომ ატრიალებენ, დაცვა რომ გორში დამახტა თავზე და ვაი რა მშიშარაა. ვინ ატრიალებს ამას, მხდალი ნაძირლები, ჯერ ერთი, მტერთან თანამშრომლობდნენ და მეორე, მათი კვალი არ იქნებოდა იქ. მე, პრეზიდენტი ვიდექი იქ, სადაც იყო ბომბები და რომ დაინახა დაცვამ, რომ ბომბდამშენი თავზე გვადგა, დამახტა თავზე. ეს მთელი მსოფლიოსთვის იყო გამბედაობის სიმბოლო. ოდესმე ვინმემ ნახა, რომ მტერს ზურგი შევაქციე, ამათ ვიღაცაში ვეშლები“, – განაცხადა სააკაშვილმა.