მიხეილ სააკაშვილი – პოროშენკოს ამოჩემებული ვყავარ მე, მე მათ ტვინში არ ვზივარ

 ყოველთვის ხდებოდა ისე, რომ პრეზიდენტებს ამოჩემებული ჰყავდათ ერთი ადამიანი – კუჩმას ამოჩემებული ჰყავდა ქართველი ჟურნალისტი ღონღაძე, რომელიც მოკლეს, იუშენკოს და იანუკოვიჩს ამოჩემებული ჰყავდათ იულია ტიმოშენკო და პარაშენკოს ამოჩემებული ვყავარ მე – ამის შესახებ საქართველოს ყოფილმა პრეზიდენტმა, ოდესის ყოფილმა გუბერნატორმა მიხეილ სააკაშვილმა „რუსთავი 2“-თან საუბრისას განაცხადა.
როგორც მიხეილ სააკაშვილმა განაცხადა, ღმერთმა ისეთი ბედი არგუნა, რომ პოროშენკოს მთავარი სამიზნე აღმოჩნდა.
„მე არასდროს არავინ მყავდა ამოჩემებული – რატომ უნდა ამოიჩემო ვინმე და გადაწყვიტო, რომ მთელი ცხოვრების მთავარი მიზანია, ამ ადამიანთან ბრძოლა, მითუმეტეს, თუ იმ ადამიანს არ აქვს არც ფული, არც თანამდებობა, არც ჯარი ჰყავს, არც რაიმე ისეთი იცის, რამაც შეიძლება შენი დესტაბილიზაცია გამოიწვიოს. მე არ ვიცი, ასეთი ბედი მარგუნა ღმერთმა, რომ აღმოვჩნდი, მთავარი სამიზნე მარტო პარაშენკოსი კი არა – უკრაინის მთელი ოლიგარქიის“, – განაცხადა მიხეილ სააკაშვილმა.