ბიძინა ივანიშვილი – ნებისმიერი ქვეყანა იოცნებებდა კვირიკაშვილის მსგავს პრემიერ-მინისტრზე

“გარწმუნებთ, რომ მსოფლიოში ნებისმიერი ქვეყანა ინატრებდა მსგავს ხელისუფლებას, ნებისმიერი ქვეყანა მსოფლიოში ინატრებდა ასეთ ეკონომიკურ გუნდს, ნებისმიერი ქვეყანა იოცნებებდა კვირიკაშვილის მსგავს პრემიერ-მინისტრზე“, –  ამის შესახებ კონფერენციაზე „საქართველოს ეკონომიკა და ბიზნესგარემო – მიღწევები და გამოწვევები“ ყოფილმა პრემიერ-მინისტრმა ბიძინა ივანიშვილმა განაცხადა.
ყოფილი პრემიერის თქმით, მას ინტერესი არ გააჩნია გარდა ერთისა – ქვეყანა სწორი მიმართულებით განვითარდეს.
”მინდა მოსახლეობა დავარწმუნო, რომ არანაირი ინტერესი არ გაამჩნია გარდა ერთისა, რომ ქვეყანა სწორი მიმართულებით განვითარდეს. საზოგადოების დიდმა ნაწილმა უნდა მოვახერხოთ და კონსესუსს მივაღწიოთ თუ როგორი ქვეყანა გვინდა. კოჰაბიტაცია, რასაც საზოგადოების დიდი ნაწილი ამდენ ხანს ლანძღავდა, უნდა მოვახერხოთ – საზოგადოება მთლიანად გავაერთიანოთ და გავავლოთ ხაზები, ვინ სად იდგა ოდესღაც, თუმცა მახსოვრობა არ უნდა დავკარგოთ და გვახსოვდეს, რა ხდებოდა, ვინ სად იყო. დღეს მთელი ერის კონსოლიდაცია უნდა მოვახერხოთ მთელი ერის ძირითად ფასეულობებზე”, – აღნიშნა ყოფილმა პრემიერ-მინისტრმა.