ახალი წლის ღამეს საზოგადოებრივი ტრანსპორტი 04:00 საათამდე, უფასოდ იმუშავებს. ამის შესახებ დედაქალაქის მერმა კახა კალაძემ განაცხადა, რომელმაც მოსახლეობას დამდეგი შობა-ახალი წელი კიდევ ერთხელ მიულოცა. მისი თქმით, დედაქალაქში საახალწლო ღონისძიებები სამ ადგილას – გლდანში, ძველ თბილისსა და ვარკეთილში – გაიმართება.
„ვისაც სურვილი აქვს ამ ღონისძიებებზე დასწრების, იცით, რომ როგორც მეტრო, ასევე ავტობუსები მთელი ღამის განმავლობაში იმუშავებს. ყველა ადამიანს, ვისაც კონცერტზე დასწრების სურვილი ექნება, უფასო საზოგადოებრივი ტრანსპორტით უზრუნველყოფილი იქნება. მინდა ყველას წარმატებები ვუსურვო. ჩვენ ერთად, აუცილებლად შევძლებთ, რომ თბილისი სიცოცხლით სავსე ქალაქად ვაქციოთ“, – განაცხადა კახა კალაძემ.
კომენტარები