საქართველოში ე.წ. დუტის ქურთუკების ფაბრიკა გაიხსნება.
“საპარტნიორო ფონდის” ხელმძღვანელის, დავით საგანელიძის განცხადებით, საუბარია ე.წ. დუტის ქურთუკების ფაბრიკაზე, რომელიც არის ჩინეთის პროვინცია ძიანგსში და რომელიც განკუთვნილია ბრენდების მიერ შეკვეთილი პროდუქციის წარმოებისთვის.
“ჩვენ ჩინურ მხარესთან ვსაუბრობთ საქართველოში ქურთუკების ფაბრიკაზე. ქურთუკების ქარხანა არის სწორედ ძიანგსიში, რომელიც მარტო ჩინეთის მოსახლეობის 60 % აკმაყოფილებს. სწორედ ამ ქარხნის წარმომადგენლობის გახსნაზეა საუბარი საქართველოში, რაც ბუნებრივია, ბევრ ადამიანს დაასაქმებს და შექმნის დიდ საექსპორტო პოტენციალს. კონკრეტულად არ არის შერჩეული ადგილი, მაგრამ თბილისის შემოგარენში, რუსთავის მიმართულებით გვაქვს შერჩეული რამდენიმე ტერიტორია. საუბარია იმაზე, რომ საქართველოში შეიკეროს ქურთუკები, რომელსაც ამ ქარხანას უკვეთავენ ძალიან მსხვილი ბრენდები. გადაწყვეტილება საწარმოს შექმნასთან დაკავშირებით მიღებულია, დანარჩენი, რომელი მხარის მიერ რამდენი იქნება თანხა ჩადებული, გასარკვევია”,- განაცხადა დავით საგანელიძემ.