თბილისის მერი კახა კალაძე ისტორიკოს მარიკა ლორთქიფანიძის გარდაცვალების გამო მწუხარებას გამოთქვამს.
როგორც კალაძის სამძიმარშია აღნიშნული, მარიკა ლორთქიფანიძის სახელი მუდამ დარჩება მომავალ თაობების ხსოვნასა და ქვეყნის ისტორიას.
„ქალბატონ მარიკა ლორთქიფანიძის გარდაცვალება ძალიან დიდი დანაკარგია თბილისისთვის, სახელმწიფო უნივერსიტეტისთვის, ქართული მეცნიერებისთვის. სამაგალითო მოქალაქე, პატრიოტი ქართველი, თვალსაჩინო ისტორიკოსი, ჯავახიშვილის მემკვიდრეობის საუკეთესო დამცველი და გამგრძელებელი ღვაწლმოსილი წავიდა ჩვენგან. ვუსამძიმრებ მის ოჯახს, კოლეგებს, უნივერსიტეტს და მის სტუდენტებს. მარიკა ლორთქიფანიძის სახელი მუდამ დარჩება მომავალი თაობების ხსოვნას და ქვეყნის ისტორიას“, – ნათქვამია თბილისის მერის სამძიმარში.
კომენტარები