ტერორისტების ხელშეწყობის ბრალდებით დაკავებულ კიდევ ერთ პირს, ზურაბ იდოიძეს ბრალს დღეს ოფიციალურად წაუყენებენ.
სუს-ის ინფორმაციით, გუშინ სოფელ ომალოში დაკავებული ზურაბ იდოიძე, იმავე ბრალდებით დაკავებულ ზურაბ გორნაკაშვილთან ერთად, ახმედ ჩატაევსა და მისი დაჯგუფების წევრებს თურქეთიდან საქართველოში გადმოსვლაში ეხმარებოდა. სუს-ის ცნობით, სწორედ იდოიძემ მიიყვანა ტერორისტები თურქეთ-საქართველოს საზღვრის მწვანე ზოლთან.
ზურაბ იდოიძის ადვოკატი აცხადებს, რომ დაკავებული დუმილის უფლებას იყენებს და არ სურს საჯარო განცხადების გაკეთება. მისივე განმარტებით, სამართალდამცავების მხრიდან, ძალის გადამეტებას ადგილი არ ჰქონია.
კომენტარები