ტრაპიზონში ტერორიზმის ბრალდებით დაკავებულ 33 წლის გოჩა საგინაძეს სასამართლომ პატიმრობა მიუსაჯა, მის მეუღლეს კი დეპორტაცია ემუქრება. ამის შესახებ თურქული მედია იტყობინება.
გოჩა საგინაძეს ტერორისტული დაჯგუფება „ისლამური სახელმწიფოს“ წევრობაში ედება ბრალი. მის ბინაში ჩხრეკის დროს სამართალდამცველებმა ამოიღეს ფოტომასალა, რომელიც მის ტერორისტულ დაჯგუფებასთან კავშირს ადასტურებს.
როგორც გამოცემა Milliyet წერს, დაკავებულმა განაცხადა, რომ ათათურქის აეროპორტში 2016 წლის ივნისში განხორციელებული ტერაქტი აჰმედ ჩატაევის მიერ იყო დაგეგმილი. ამას გარდა, მან განაცხადა, რომ გარკვეული პერიოდის განმავლობაში ჩატაევთან ერთად ერთ ბინაში ცხოვრობდა.
კომენტარები