წითელ ხიდზე არადეკლარირებული ოქროს ნაკეთობები აღმოაჩინეს

ფინანსთა სამინისტროს შემოსავლების სამსახურის ინფორმაციით, წითელ ხიდზე არადეკლარირებული ოქროს ნაკეთობები აღმოაჩინეს.
”საბაჟო-გამშვებ პუნქტში „წითელი ხიდი“, 11 609.43 ლარის ღირებულების არადეკლარირებული ოქროს ნაკეთობები აღმოაჩინეს. 
კერძოდ, ფინანსთა სამინისტროს შემოსავლების სამსახურის მებაჟე ოფიცრებმა აზერბაიჯანის მოქალაქის, ა.ჰ-ს ეჭვის საფუძველზე კუთვნილი ხელბარგის დათვალიერებისას, არადეკლარირებული ოქროს ნაკეთობები (ყელსაბამი 1ც, ბეჭედი 1ც, ნაკრები ოთხეული – საყურე, ბეჭედი, ყელსაბამი და სამაჯური 1ც), საერთო წონით – 68,82 გრამი აღმოაჩინეს. საქონლის საბაჟო ღირებულებამ 11,609.43 ლარი შეადგინა.
საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეს სანქციის სახით შეეფარდა ჯარიმა 11,609.43 ლარის ოდენობით”, – ნათქვამია უწყების განცხადებაში.