რუსთავში, ე.წ სტამბოლის ბაზრის თანამშრომლები კრიმინალური პოლიციის თანამშრომლებს დაკითხვაზე ეტაპობრივად გადაყავთ.
პოლიციაში წუხელ გვიან ღამემდე მიმდინარეობდა ბაზრობის ადმინისტრაციისა და იმ პირთა დაკითხვა, ვინც მოკლული სამსონ (სოსო) ქუთათელაძე გუშინ ბაზრობის ტერიტორიაზე ბოლოს ნახა. დაკითხვაზე ამ დრომდე იმყოფებიან ბაზრობის ტერიტორიაზე არსებული ორი მეორედი ტანსაცმლის მაღაზიის გამყიდველები. პარალელურად, სამართალდამცავები ბაზრობის ტერიტორიაზე მოვაჭრეების გამოკითხვას აწარმოებენ.
ბაზრობის თანამშრომლების თქმით, მოკლული სოსო ქუთათელაძე გუშინ დილით მეწილეებთან ერთად ნახეს, რომელთა შორის იყო ისრაელის მოქალაქე უზი ნონისა.
ნონისას განცხადებით, გარდაცვლილი მისი მეგობარი იყო და საეჭვო არაფერი შეუნიშნავს.
ყოფილი პარლამენტარი, გენერალი სამსონ ქუთათელაძე გუშინ, შპს ,,ერთობის” ადმინისტრაციულ შენობაში ცეცხლსასროლი იარაღიდან გასროლით მოკლეს.