რესტორან “აღაში” სამი ადამიანის დაჭრაში ბრალდებულ საბა სამუშიას ადვოკატმა, ირმა შალამბერიძემ ბრალდებულის მიმართ აღკვეთის ღონისძიების შეფარდების შემდეგ განაცხადა, რომ სამუშია თვითონ არის ნაცემი და დაზარალებული. მისივე ინფორმაციით, მისი დაცვის ქვეშ მყოფმა სხვისი დანა გამოიყენა, რომელიც ძირს დაგდებული იპოვა.
“საბა სამუშიას გუშინ ჩაუტარდა ექსპერტიზა ჯანმრთელობის მდგომარეობის დადგენის მიზნით და იმედია მალე მივიღებთ პასუხებს. წარდგენილ ბრალდებაში თავს დამნაშავედ არ ცნობს. აღიარებს, რომ ნამდვილად მონაწილეობდა ინციდენტში, რაც მოხდა რესტორანში, თუმცა ამბობს, რომ მხოლოდ ის არ მონაწილეობდა, მასობრივ ჩხუბს ჰქონდა ადგილი და სამუშია ამ ინციდენტის მსხვერპლია. თვითონ არის ნაცემი და დაზარალებული. მან გამოიყენა სხვისი დანა, რომელიც ძირს დაგდებული იპოვა. თუმცა, არ ვიცით ამ ეტაპზე დაჭრა თუ არა ვინმე. ის დანას თავდაცვის მიზნით იქნევდა”, – განაცხადა შალამბერიძემ.
შეგახსენებთ, რომ თბილისის საქალაქო სასამართლო გმირთა მოედნის ტერიტორიაზე რესტორან „აღაში“ სამი ადამიანის დაჭრაში ბრალდებულ მომღერალს, საბა სამუშიას აღკვეთის ღონისძიების სახით პატიმრობა შეუფარდა.
საბა სამუშიას ადვოკატი: მან გამოიყენა სხვისი დანა, რომელიც ძირს დაგდებული იპოვა
2018/01/20 14:07:50
ნანახია: 934 ჯერ