მებაჟეებმა არადეკლარირებული სიგარეტი აღმოაჩინეს

საბაჟო გამშვებ პუნქტში ,,წითელი ხიდი“, ფინანსთა სამინისტროს შემოსავლების სამსახურის მებაჟე ოფიცრების მიერ, 1260 ღერი არადეკლარირებული სიგარეტის ქვეყანაში უკანონოდ შემოტანის ფაქტი აღიკვეთა. 
შემოსავლების სამსახურის ინფორმაციით, საქართველოს საგადასახადო კოდექსის 289-ე მუხლის მე-14 ნაწილის შესაბამისად, მოქალაქეს ჩამოერთვა საქონელი და ფულადი ჯარიმა ათასი ლარის ოდენობით შეეფარდა.
არადეკლარირებული სიგარეტის უკანონოდ შემოტანის კიდევ ერთი ფაქტი დაფიქსირდა 21 იანვარს, საბაჟო გამშვებ პუნქტში ,,სადახლო-საავტოობილო“. სომხეთის მოქალაქეს ი.მ-ს კუთვნილი ავტომანქანის საშუალებით, 10800 ღერი არადეკლარირებული სიგარეტი საზღვარზე უკანონოდ შემოჰქონდა. საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეს, ჩამოერთვა საქონელი, სატრანსპორტო საშუალება და ფულადი ჯარიმა ათასი ლარის ოდენობით შეეფარდა.