ანატოლი ბერძენიშვილის ადვოკატი: დაკავებული თემირლან მაჩალიკაშვილთან ნაცნობობას ადასტურებს

აჰმედ ჩატაევის დახმარებისთვის დაკავებული ანატოლი ბერძენიშვილის ადვოკატის, ელდარ გვალიას ინფორმაციით, დაკავებულმა დაადასტურა თემირლან მაჩალიკაშვილთან ნაცნობობა.
“ბრალი ანატოლის ჯერ არ წარდგენია. დაკავების საფუძველი ტერორისტებთან კავშირია, თუმცა კონკრეტულად რომელ ტერორისტთან, არ ვიცი. ის მისთვის კანონით მინიჭებულ დუმილის უფლებას იყენებს. მაჩალიკაშვილთან დაკავშირებით კი, ნაცნობობა დაადასტურა მხოლოდ, ხოლო სპეცოპერაციის დროს დაღუპულებთან ნაცნობობის შესახებ, არაფერი უთქვამს”,-აცხადებს ადვოკატი.
შეგახსენებთ, რომ ანატოლი ბერძენიშვილი გუშინ დააკავეს. გამოძიების ამ ეტაპზე დადგენილია, რომ დაკავებული ანატოლი ბერძენიშვილი ჩავიდა თურქეთში აჰმედ ჩატაევის და მისი დაჯგუფების წევრების დასახმარებლად. დაკავებულმა, ზურაბ გორნაკაშვილთან და ზურაბ იდოიძესთან ერთად, აჰმედ ჩატაევს და მისი დაჯგუფების წევრებს დახმარება თურქეთ-საქართველოს საზღვართან, კირნათი-მარადიდის მწვანე ზოლის მონაკვეთამდე გადაადგილებაში გაუწია.