მაჟორიტარი დეპუტატი ბექა ოდიშარია თბილისის ურბანული პრობლემებისადმი მერის, კახა კალაძის მიდგომებს უმნიშვნელოვანესს უწოდებს და დედაქალაქის მთავარ გამოწვევებთან გამკლავების იმედს გამოთქვამს.
„როგოც თბილისის მაჟორიტარს და ადამიანს, რომელსაც ყოველდღიურად მაქვს შეხება ურბანულ სირთულეებთან, მახარებს და საფუძვლიან ოპტიმიზმს მიჩენს კალაძისა და თბილისის მერიის ახალი ხელმძღვანელობის მიდგომები დედაქალაქის წინაშე არსებული მთავარი გამოწვევების მიმართ.
ახალმა გუნდმა ანალიზისა და მონიტორინგის საფუძველზე, ვფიქრობ, სწორი, ქმედითი სატრასპორტო პოლიტიკა შეარჩია. ყველა ეს რეგულაციები თუ შეზღუდვები, რის დანერგვასაც კახა კალაძის გუნდი აპირებს, ორიენტირებულია ქალაქის სატრანსპორო ქსელის განმუხტვაზე და, შესაბამისად, გამონაკლისის გარეშე, ყველა თბილისელის უკეთეს და კომფორტულ მიმოსვლაზე დედაქალაქში“, – აღნიშნა ოდიშარიამ.
თბილისის მერის განცხადებით, დედაქალაქის მთავრობა, ტაქსის სერვისის განხორციელების ნებართვის გაცემასთან დაკავშირებით, სამართლებრივი საფუძვლების შექმნაზე მუშაობს.