აუცილებელია ადამიანურობა იმ კუთხით, რომ გასაღებასა და მოხმარებას შორის მკაფიო ზღვარი უნდა გავავლოთ – ამის შესახებ ჯანდაცვის კომიტეტის თავმჯდომარემ, აკაკი ზოიძემ ჟურნალისტებთან, ნარკოპოლიტიკაზე საუბრისას განაცხადა.
მისი თქმით, გამსაღებლების მიმართ მკაცრი პოლიტიკა უნდა გატარდეს, მომხმარებლებთან კი ჰუმანურობის გამოჩენაა საჭირო.
„გამსაღებლებს დაუნდობელი ბრძოლა უნდა გამოვუცხადოთ არა მარტო კანონის გამკაცრებით, არამედ პირველ ყოვლისა არსებული კანონის აღსრულებითაც. მეორე მხრივ, მომხმარებელთა მიმართ გამოვიჩინოთ ჰუმანურობა. მოვუწოდებ კოლეგებს, კიდევ ერთხელ ვმობილიზდეთ და მაქსიმალურად მოკლე ვადაში დავძლიოთ ის აზრთა სხვადასხვაობა, რომელიც არ შეიძლება არსებობდეს. პრინციპებთან მიმართებაში აზრთა სხვადასხვაობა არ არის“, – განაცხადა აკაკი ზოიძემ.
კომენტარები