35-ე საჯარო სკოლის მოსწავლეების დაჭრაში ბრალდებულს სავარაუდოდ, დღეს ბრალს წაუყენებენ. თავადაც არასრულწლოვანი შსს-ს მთავარი სამმართველოს წინასწარი დაკავების იზოლატორშია მოთავსებული.
სამართალდამცველებმა თბილისში, წითელ ბაღში მომხდარ ინიციდენტში ბრალდებული – 2000 წელს დაბადებული ა.ნ. ჯანმრთელობის განზრახ მძიმე დაზიანების ბრალდებით გუშინ დააკავეს.
„გამოძიებამ დაადგინა, რომ მიმდინარე წლის 31 იანვარს თბილისში, ალექსანდრე ყაზბეგის გამზირზე, ე.წ.წითელი ბაღის ტერიტორიაზე, ა.ნ.-მ ურთიერთშელაპარაკებისას ყოფილ თანაკლასელებს – 2000 წელს დაბადებულ ნ.ც.-ს და 2000 წელს დაბადებულ ი.ც.-ს ცივი იარაღით მუცლისა და გულმკერდის არეში თითო ჭრილობა, ხოლო 2000 წელს დაბადებულ ლ.ხ.-ს ხელზე მსუბუქი ჭრილობა მიაყენა და შემთხვევის ადგილიდან მიიმალა“, – ნათქვამია შსს-ს განცხადებაში.
გამოძიება ჯანმრთელობის განზრახ მძიმე დაზიანების ფაქტზე საქართველოს სსკ-ს 117-ე მუხლის მე-7 ნაწილით მიმდინარეობს.