საოპერო მომღერალი პაატა ბურჭულაძე საქართველოში 9 თებერვალს ჩამოვა და პროკურატურის ყველა კითხვას პასუხს გასცემს – ამის შესახებ პაატა ბურჭულაძის შვილმა ალექსანდრე ბურჭულაძემ „პალიტრანიუსის“ გადაცემაში „360 გრადუსი“ სტუმრობისას განაცხადა.
მისივე თქმით, თავად მამამისის სურვილია, რომ გამოძიება, რომელიც პაატა ბურჭულაძის ფინანსურ საქმიანობას სწავლობს, მალე დასრულდეს.
„როგორც მახსოვს, 4 იანვარს თავად მიმართა საგამოძიებო ორგანოს წერილობით და მიუთითა ის თარიღები, რომლებშიც ჩამოსვლას შეძლებდა და 9 თებერვალზე შეთანხმდნენ. 9 თებერვალს, რა თქმა უნდა, ჩამოვა მამაჩემი და დაკითხვა“, – აღნიშნა ალექსანდრე ბურჭულაძემ.
შეგახსენებთ, რომ პროკურატურა საოპერო მომღერალ პაატა ბურჭულაძეს ფონდ “იავნანას” საქმეზე, სავარაუდოდ, 9 თებერვალს დაკითხავს. როგორც ცნობილია, საქმე ეხება ფონდ „იავნანას“ თანხების გაფლანგვას.