ქუთაისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მამის განზრახ მკვლელობისთვის ბრალდებული პირი დამნაშავედ ცნო.
პროკურატურის განცხადებით, სასამართლო პროცესზე გამოკვლეული მტკიცებულებებით დადასტურდა, რომ 2017 წლის 27 აპრილს, დაახლოებით 23:00 საათზე, სამტრედიის მუნიციპალიტეტში, ერთ-ერთ საცხოვრებელ სახლში მამა-შვილს შორის საყოფაცხოვრებო ნიადაგზე შელაპარაკება მოხდა, რა დროსაც შვილმა მამას დანა გულმკერდის არეში დაარტყა. მიღებული ჭრილობის შედეგად მამა შემთხვევის ადგილზე გარდაიცვალა.
სამართალდამცველებმა ბრალდებული. დანაშაულის ჩადენის ადგილზე დააკავეს. მას ბრალდება ოჯახის ერთი წევრის მიერ ოჯახის სხვა წევრის განზრახ მკვლელობით წარედგინა და აღკვეთის ღონისძიების სახით პატიმრობა შეეფარდა. ქუთაისის საქალაქო სასამართლომ ის დამნაშავედ სცნო წარდგენილ ბრალდებაში და სასჯელის სახედ და ზომად 9 წლით თავისუფლების აღკვეთა განუსაზღვრა.