აზერბაიჯანელი ჟურნალისტის, აფგან მუხთარლის განცხადებას, რომ „ მისი გატაცება გიორგი კვირიკაშვილის ბრძანებით მოხდა“, პარლამენტის იურიდიულ საკითხთა კომიტეტის თავმჯდომარე ეკა ბესელია ცილისმწამებლურს უწოდებს.
დეპუტატის თქმით, არანაირი დავალება და სახელმწიფოების უმაღლესი თანამდებობის პირების წინასწარი შეთანხმება არ ყოფილა.
“ეს ცილისწამების კლასიკური მაგალითი იყო. პრემიერ-მინისტრის მიმართ გაკეთებული ეს განცხადება და ბრალდება ცილისმწამებლურ ხასიათს და შინაარსს ატარებს. შემიძლია გითხრათ, რომ ეს სიმართლე არ არის. აღნიშნულ საქმეზე გამოძიება მიმდინარეობს და პრაქტიკულად ყველა პირი დაკითხულია, ვისაც თეორიულადაც შეიძლება რაიმე ინფორმაცია ჰქონოდა. ამ საკითხზე შუალედური ინფორმაცია გასაჯაროვებული იყო და შესაბამისი პასუხისმგებელი პირები თანამდებობიდან გადადგნენ. ასეთი ბრალდება ცილისწამება და სიცრუეა. არანაირი დავალება და სახელმწიფოების უმაღლესი თანამდებობის პირების წინასწარი შეთანხმება არ ყოფილა”, – განაცხადა ეკა ბესელიამ ჟურნალისტებთან საუბრისას.
29 მაისს თბილისიდან გაუჩინარებული და აზერბაიჯანში დაკავებული ჟურნალისტი, აფგან მუხთარლი გატაცებაში პრემიერ-მინისტრს, გიორგი კვირიკაშვილს და სხვა მაღალჩინოსნებს ადანაშაულებს.
ბესელია მუხთარლის ბრალდებებზე: ეს ცილისწამების კლასიკური მაგალითი იყო
2018/02/09 13:33:18
კომენტარები
ნანახია: 895 ჯერ