არჩილ ტატუნაშვილის გარდაცვალება არის კიდევ ერთი მტკივნეული ისტორია და მტკივნეული შედეგი საქართველოს ოკუპაციის და რუსეთის აგრესიის, – ამის შესახებ ლტოლვილთა და განსახლების მინისტრმა დღეს არჩილ ტატუნაშვილის გარდაცვალების ფაქტთან დაკავშირებით კომენტარისას განაცხადა.
მისი თქმით, ყველაფერი უნდა გაკეთდეს, რომ ოკუპაციის დასრულება მთავარი ამოცანა იყოს.
„ეს არის კიდევ ერთი მტკივნეული ისტორია და კიდევ ერთი მტკივნეული შედეგი ჩვენი ოკუპაციის, რუსეთის აგრესიის. იმის თქმა, რომ მსგავსი ფაქტების აცილება შესაძლებელი იქნება და საერთოდ გამორიცხვა, სანამ ოკუპაცია გრძელდება, რა თქმა უნდა ძალიან ძნელია. პირველ რიგში, ყველაფერი უნდა გავაკეთოთ იმ ბიჭების გასათავისუფლებლად, ვინც დღესაც დაპატიმრებულები არიან და ამისთვის საერთაშორისო საზოგადოების მხარდაჭერის უდიდესი იმედი გვაქვს. ამავდროულად, ყველაფერი უნდა გავაკეთოთ, რომ ოკუპაციის დასრულება იყოს მთავარი ამოცანა. სამწუხაროდ, საქართველო აქ მარტო არ არის, რუსეთის აგრესია ვრცელდება ბევრ ქვეყანაზე, ჩვენს მეზობელ უკრაინაზეც, მაგრამ საერთაშორისო მხარდაჭერა გვაძლევს იმედს, რომ ოკუპაცია სრულად დამთავრდება“, – განაცხადა სოზარ სუბარმა.