საქართველოს პარლამენტის თავმჯდომარე ირაკლი კობახიძე, დელეგაციასთან ერთად, დღეს იორდანიის ჰაშიმიტურ სამეფოს ეწვევა.
ოფიციალური ვიზიტის ფარგლებში პარლამენტის თავმჯდომარე იორდანიის ჰაშიმიტური სამეფოს პრემიერ-მინისტრს, ჰანი ალ მულქის შეხვდება. დაგეგმილია ირაკლი კობახიძის შეხვედრა წარმომადგენელთა პალატის სპიკერ ატეფ ტარავნესთან და სენატის პრეზიდენტ ფაიზალ ალ ფაიეზთან.
საქართველოს პარლამენტის თავმჯდომარე შეხვედრებს ასევე იორდანია-საქართველოს საპარლამენტო მეგობრობის ჯგუფის ხელმძღვანელ მუსტაფა იაღისთან და ჯგუფის წევრებთან გამართავს.
კობახიძის ვიზიტს იორდანიის ჰაშიმიტურ სამეფოში 1-ელ მარტს დასრულდება.
საპარლამენტო დელეგაციის შემადგენლობაში არიან დეპუტატები: ზაქარია ქუცნაშვილი, მამუკა მდინარაძე, შალვა კიკნაველიძე, ირაკლი მეზურნიშვილი, მამუკა ჩიქოვანი და პარლამენტის თავმჯდომარის კაბინეტის უფროსი, ნიკოლოზ სამხარაძე.