ხანძარი არის ის თემა, სადაც გამოძიებას ძალიან უჭირს სიმართლის დადგენა და არა მხოლოდ საქართველოში, რადგან არის რაღაც დეტალები, რომელიც გამოსაკვლევად ძალიან რთულია, – ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძემ განაცხადა.
მისი თქმით, ძალიან უცნაურია, რომ ზაფხულიდან მოყოლებული ქვეყანაში ხანძრის ამდენი შემთხვევა ფიქსირდება.
„თუ არსებობს კითხვის ნიშნები, ბუნებრივია, სამართალდამცავმა ორგანოებმა ყველაფერი უნდა გააკეთონ იმისთვის, რომ სიმართლე დადგინდეს. მართლაც, ცოტა უცნაურია, დაწყებული ზაფხულიდან, ამდენი ხანძარი ქვეყანაში, ეს ძალიან ცუდია და ამან დიდი ზიანი მიაყენა მთლიანად ქვეყანას. ძალიან მძიმე იქნება ადამიანებისთვის, რომლებიც ლუკმაპურს შოულობენ ამ ბაზრობაზე. მგონია, რომ შესაძლებელია აქ კითხვის ნიშნები დაისვას. თუმცა უკვე გამოძიებამ უნდა დაადგინოს, იყო თუ არა გაჩენილი ხანძარი ხელოვნურად“, – განაცხადა სოფო კილაძემ.
მისი თქმით, არც ისაა გამორიცხული, რომ ხანძარი შემთხვევით გაჩნდა და არც ის, რომ ვინმემ ხელოვნურად გააჩინა.
„ხანძარი არის ის თემა, სადაც გამოძიებას ძალიან უჭირს სიმართლის დადგენა და არა მხოლოდ საქართველოში, რადგან არის რაღაც დეტალები, რომელიც გამოსაკვლევად ძალიან რთულია“, – განაცხადა დეპუტატმა.