არჩილ ტატუნაშვილის ტრაგიკული შემთხვევა დაუსჯელობის სინდრომმა განაპირობა, რადგან ოთხოზორიას ფაქტს ჯეროვანი რეაგირება არ მოჰყვა, – ამის შესახებ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ განაცხადა.
„ისევ ძალიან ცუდი ამბავი მოხდა. სამწუხაროდ, ოთხოზორიას ფაქტს ჯეროვანი რეაგირება არ მოჰყვა, არ მინდა, ეს პირდაპირ კავშირში იყოს, მაგრამ ყველა შემთხვევაში, ერთგვარად, დაუსჯელობის სინდრომმა განაპირობა ის, რომ დღეს ჩვენ მორიგი ასეთი უმსგავსო ტრაგიკული შემთხვევა სამაჩაბლოს ტერიტორიაზე გვაქვს“, – განაცხადა ყოლბაიამ.
არჩილ ტატუნაშვილი 23 თებერვალს ცხინვალის საავადმყოფოში გარდაიცვალა. საქართველოს კიდევ ორი მოქალაქე ოკუპირებული ცხინვალის წარმომადგენლებმა 22 თებერვალს უკანონოდ დააკავეს.
კომენტარები