დედაქალაქის მერი კახა კალაძე იმ მეხანძრე-მაშველებს, რომლებიც ბაზრობა “თერგის“ ტერიტორიაზე ხანძრის ლიკვიდაციისთვის მუშაობდნენ, მადლობას უხდის.
როგორც კახა კალაძემ დედაქალაქის მთავრობის სხდომის დაწყებისას განაცხადა, მეხანძრე-მაშველებმა დიდი შრომა გასწიეს.
„მინდა, მადლობა გადავუხადო მეხანძრე-მაშველებს დროული რეაგირებისთვის და თავდაუზოგავი შრომისთვის, მართლაც ძალიან დიდი სამუშაო გასწიეს ბიჭებმა იმ საღამოს და თითოეულ მათგანს მინდა, ძალიან დიდი მადლობა გადავუხადო“, – განაცხადა კახა კალაძემ.
ცაბაძის ქუჩაზე, ბაზრობა „თერგში“ ხანძარი 27 თებერვალს გაჩნდა. ადგილზე მთელი ღამის განმავლობაში მუშაობდნენ სახანძრო-სამაშველო ჯგუფები.
კომენტარები