„ნამდვილად ვერ დავეთანხმები იმას, რომ ხელისუფლება არის უმოქმედო“, – ამის შესახებ „მემარცხენე ალიანსის“ ლიდერმა სოსო შატბერაშვილმა ტელეკომპანია „იბერიას“ გადაცემაში „თავისუფალი სივრცე“ ხანძრებთან დაკავშირებულ პრობლემაზე საუბრისას განაცხადა.
„ნაციონალური მოძრაობა“ გახლავთ ის ორგანიზაცია, რომლებიც აი, ამ ბაზრობებს ებძროდა სისტემატიურად, მათი ხელისუფლებაში მოსვლის დღიდან, უნდოდათ მათი აყრა, ქალაქიდან გაყრა და ჩვენ მაშინდელი „ლეიბორისტები“ საკრებულოს და შემდეგ პარლამენტის წევრები, „ნაციონალური მოძრაობისგან“ ვიცავდით ამ ბაზრობებს.
რაც შეეხება გაჩენილ ხანძრებს, ის არამარტო ბაზრობებზე, არამედ ტყეშიც გაჩნდა და გადაიწვა, ეს, რა თქმა უნდა, ძალიან ცუდი, მძიმე მოვლენაა და ხელისუფლებამ ამაზე უნდა იმუშაოს, რომ ეს ხანძრების აღიკვეთოს. მაგრამ, რაც შეეხება ბაზრობებზე გაჩენილ ხანძრებს, არ ვიცი შეიძლება ვიღაცები ერთამენეთის კონკურენტი არიან და ვიღაცის ბოროტი ხელის ძალით აჩენს მათ. მე გამომძიებელი არ ვარ და ამაზე ნამდვილად ვერ გაგცემთ პასუხს. ასევე ნამდვილად ვერ დავეთანხმები იმას, რომ ხელისუფლება არის უმოქმედო. მაგალითად, ბოლო ორ ხანძართან დაკავშირებით გეტყვით, ე.წ. „ელიავას ბაზრობაზე“ დიდუბის გამგებელი იმ წუთასვე იქ გაჩნდა და რეალური დახმარება გაუწია დაზარალებულებს და ახლაც, როგორც კი ეს ხანძარი გაჩნდა“, – განაცხადა სოსო შატბერაშვილმა.